‘Nor gara gu?’ prestakuntza hitzaldia eskainiko du Mairik Torrezabalen
TESTUA: Irati Alonso García
ARGAZKIA: Katarzyna
Mairi Emakume Feminista Batzak ‘Nor gara gu?’ prestakuntza hitzaldia antolatu du biharko, urtarrilak 23, Torrezabal Kultur Etxean.
Berdintasuna aldarrikatzeko asmoz, hainbat ekintza antolatzen ditu urtean zehar Mairi Emakume Feminista Batza galdakoztarrak. Hauen baitan, ‘Nor gara gu?’ prestakuntza hitzaldian parte hartzeko aukera eskainiko du.
«Ongi etorri emakumeok, gure barne-mundu konplexu, pertsonal eta kolektiboari», adierazi dute taldetik, saioan parte hartzera animatuz.
Hitzordua Torrezabal Kultur Etxeko erakusketa gelan izango da 18:30ean eta Mairik Emakunderen eta Galdakaoko Udalaren laguntza izan du saioa antolatzeko.
