Orioak Saskibaloi Taldeak mailaz igotzeko fasea jokatuko du asteburuan
TESTUA: Irati Alonso García
ARGAZKIA: Orioak Saskibaloi Taldearen sareetatik
Orioak Saskibaloi Taldeak mailaz igotzeko fasea jokatuko du asteburuan Zaldibarreko kiroldegian. Zapatuan Leioa SBT-ren kontra arituko da 19:00etan eta partida hau irabazten badu domekan finala jokatuko du 12:00etan.
Hirugarren postua lortu du aurten Orioak Saskibaloi Talde galdakoztarrak 1. mailan, hamazortzi partida irabaziz eta zortzi galduz. Honi esker asteburuan maila berezia deiturikora igotzeko fasea jokatuko du, Zaldibarreko kiroldegian.
Final four formatua izango du faseak. Zapatuan Orioak Saskibaloi Taldea Leioa SBT-ren kontra arituko da 19:00etan eta aurretik Zaldua eta Anbotopekoren arteko partida izango da.
Partida bakoitzaren irabazleak elkarren aurka arituko dira finalean, igoera lortzen saiatzeko. Zaldibarreko kiroldegian izango da ere, domekan 12:00etan.
