Pedro Uribarri entrenatzaile ohia omenduko dute Sabadellen
TESTUA: Irati Alonso García
ARGAZKIA: Galdakao Futbol Taldeko beteranoak
Galdakao Futbol Taldeko beteranoak Sabadellera bidaiatu dira asteburuan hango futbol taldearen kontra aritzeko. Hitzorduan Sabadelleko entrenatzaile izandako Pedro Uribarri galdakoztarrari omenaldia egingo diote.
Futbolean aritzeko indarra dutela erakusten dute Galdakao Futbol Taldeko beteranoek hara-hona egiten dituzten bidaietan. Pasa den urteko maiatzean Malagara egindako bidaia aldiz berezia izan zen, izan ere, Malagako taldean jokatu zuen Iñaki Ibarretxe omendu zuten, Binkek jaso zuen moduan.
Oraingoan ere berezia egingo dute Sabadellera egindako bidaia. Atzo atera ziren Galdakaotik eta dagoeneko Sabadellen daude, asteburuan hango taldearen kontra aritzeko. Hitzorduan ordea, omenaldia egingo diote berriz futbolean aritutako galdakoztar bati.
Kasu honetan Sabadellen entrenatzaile izan zen Pedro Uribarriri omenaldia egingo diote. Uribarri etapa ezberdinetan izan zen Sabadellen eta 1985/86 denboraldian Lehen Mailara igoera lortu zuen.
