Pentsioen inguruko hitzaldia antolatuko dute Aperribaiko liburutegian
TESTUA: Irati Alonso
ARGAZKIA: EITB
Aurten pentsioetan izango diren aldaketen inguruko hitzaldia eskainiko dute Aperribaiko liburutegian martxoaren 9an. Saioa arratsaldeko 18:30ean izango da eta Basandere emakumeen sustapenerako elkarteak antolatu du.
Bost urte bete ziren urtarrilean pentsiodunak batzen hasi zirenetik. «Pentsio duinak» lelopean, hainbat mobilizazio eta ekintza egin dituzte urte hauetan estatuko hiri askotan, eta baita Galdakaon ere.
Azken hilabeteetan Espainiako Gobernuak hobekuntzak egitea lortu dute, pentsio mota ezberdinetan igoerak izan direla. Kasu bakoitzak bere ezaugarriak ditu ordea eta hauek azaltzeko helburuz, Basandere emakumeek sustapenerako elkarteak hitzaldia antolatuko du Aperribain.
Saioa martxoaren 9an izango da liburutegian 18:30ean eta 2023an pentsioetan izango diren aldaketak azaltzeko helburu nagusia du.
