San Silvestre lasterketa zortzi kategoriatan banatuko da domekan ordutegi ezberdinetan
TESTUA: Irati Alonso García
ARGAZKIA: Galdakaoko Udala
Aurten ere Gabon Zaharreko San Silvestre lasterketa lehiatuko da Galdakaon. Iaz zabaldutako bideari jarraituta, kirolari paralinpikoek parte hartzeko aukera izango dute eta guztira zortzi kategoriatan banatuko dira parte-hartzaileak. Hemen batu ditugu kategoria bakoitzeko ordutegiak.
Urte amaierarekin batera, munduko hainbat txokotan Gabon Zaharreko San Silvestre lasterketa lehiatzen da, tartean Galdakaon. Aurten ere hitzordua antolatuko dute domekan, abenduak 31, eta ehundaka kirolari batzea espero dute.
Iaz zabaldutako bideari jarraituta, aurten ere kirolari paralinpikoek aukera izango dute lasterketan parte hartzeko. «Azken urteotan Herri Krosean egiten ari diren bezala, urrats horrekin Galdakao Atletismo Taldeak aukera eman nahi die kirolari paralinpikoei Gabon Zaharreko zirkuituan ere parte har dezaten», azaldu dute Udaletik.
Ohiturari jarraiki, hauxe izango da aurtengo domekan Gabon Zaharreko San Silvestre lasterketak bete nahi duen ordutegia:
