Sare Antifaxistak pintaketa eta pegatina faxistak salatu ditu Galdakaon
TESTUA: Jon Gomez Garai
ARGAZKIAK: Sare Antifaxista
Astelehen gauean Galdakaon pintaketa eta pegatina faxistak agertu izana salatu du martitzen honetan Euskal Herriko Sare Antifaxistak, eta hauek kentzera animatu ditu herritarrak.
Urriaren 18arekin batera Euskal Herriko Sare Antifaxistak Galdakaon pegatina eta pintaketa «nazi-faxistak» agertu izana salatu du bere blog eta sareetan. Salatutako erasoek Partido Nacional Bolchevique delakoaren zigilua dute eta bertan irakur daitezke, besteak beste, «Europa europarrentzat» edo «Europaz kanpoko immigrazioari ez» bezalako leloak.
Abusu auzo galdakoztarreko autobus geltokian agertu ziren urriaren 17 gauean Sare Antifaxistak salatutako pintaketa eta pegatinak, eta hauek kentzera animatu ditu sare honen jarraitzaileak: «Garbi mantendu zure hiri, herri edo auzoko kaleak».
