Sofia Condek urrezko domina lortu zuen Euskal Herriko Distantzia Luzeko Igeriketa Txapelketan
TESTUA: Irati Alonso García
ARGAZKIA: Galdakao Igeriketa Taldearen sareetatik
Domekan, azaroak 19, Euskal Herriko Distantzia Luzeko Igeriketa Txapelketa antolatu zen Galdakaoko Urreta kiroldegian. Hitzorduan Galdakao Igeriketa Taldeko hainbat kidek parte hartu zuen eta Sofia Condek urrezko domina lortu zuen.
Egun berezia bizi zen domekan, azaroak 19, Galdakaoko Urreta kiroldegian, izan ere, Euskal Herriko Distantzia Luzeko Igeriketa Txapelketa antolatu zen. Binkek jaso zuen moduan, lau proba ezberdin egin ziren: 2000 metro ibre emakumeak, 2000 metro libre gizonak, 3000 metro libre emakumeak eta 3000 metro libre gizonak.
Guztira 34 igerilarik parte hartu zuen Urretako txapelketan, haien artean Galdakao Igeriketa Taldeko zenbait.
Taldeak ezagutzera eman duenez, Sofia Condek lortu zuen emaitza onena. Gazteak urrezko domina eskuratu zuen 3000 metro libreetan.
