Txanda bi eskainiko dira aurtengo Aste Santuko Kirol Udalekuetan
Aisia
BINKE / 2022ko martxoa
Txanda bi eskainiko dira aurtengo Aste Santuko Kirol Udalekuetan
TESTUA: Naia Bergaretxe Sarria
ARGAZKIA: Maximit Copyleft
Aste Santuko Kirol Udalekuak txanda bitan egingo dira aurten, eta gainera, etxeko txikiak ekarri eta eramateko zerbitzua ere eskainiko zaie gurasoei. Zabalik dago honezkero izena emateko epea. Hemen informazio guztia.
Aurtengo Aste Santuko Kirol Udalekuek ere txanda bi izango dituzte bai Galdakaon zein Usansolon, 5 eta 12 urte bitarteko gaztetxoentzako. Lehenengo txanda apirilaren 11, 12 eta 13an antolatuko da eta bigarrena berriz, hilabete bereko 19, 20, 21 eta 22an.
Galdakaoko Udalaren Kirol Arloak antolatutako saio hauek Urreta eta Unkina kiroldegietan izango dira 09:00etatik 14:00etara. Gainera, haurrak ekarri eta eramateko zerbitzua ere egongo da gura duten gurasoentzat, 08:30etik 09:00etara eta 14:00etatik 14:30era bitartean.
Prezioak berriz, hauexek direla jakinarazi du Udalak:
- Lehenengo astea: 42€ abonatuentzat eta 50€ ez abonatuentzat.
- Bigarren astea: 56€ abonatuentzat eta 67,20€ ez abonatuentzat.
Izen-emateko epea zabalik dago, eta aurrez aurre egin ahal izango da Urreta eta Unkinako kiroldegietan. Informazio gehiago nahi izatekotan ere, kiroldegietako harrera kontroletan emango da.
