Urreta Taekwondo Taldeak Gabonetako Jaialdia antolatuko du bihar
TESTUA: Irati Alonso García
ARGAZKIA: Urreta Taekwondo Taldearen sareetatik
Bihar, abenduak 20, urtero egin ohi duen Gabonetako Jaialdia antolatuko du Urreta Taekwondo Talde galdakoztarrak. Urreta kiroldegian izango da eta klubeko gazteek taekwondo erakusketa eskainiko dute hitzorduan.
Urte amaierarekin batera, kiro klubek ospatzen dituzten jaialdiak heltzen dira urtero. Urreta Taekwondo Talde galdakoztarrak esaterako, bihar, abenduak 20, antolatuko du Gabonetako Jaialdia.
Hitzordua Urreta kiroldegian izango da 17:30ean eta klubeko kideak batuko dira honetan, gurasoekin batera.
Klubak adierazi duenez, gazteek taekwondo erakusketa eskainiko dute ekitaldian.
