Usansolok Udalkutxaren likidazioaren zati bat jaso du lehen aldiz
TESTUA: Irati Alonso García
ARGAZKIA: Google Maps
Bizkaiko udalerri guztiek 23.049.949 euroko aparteko bat dute jaso dute, Udalkutxa Udal Finantzaketarako Funtsaren likidaziotik. Galdakaok eta Usansolok ere jaso dute diru kopuru hori, azkenak lehen aldiz.
Bizkaiko Finantzetako Lurralde Kontseiluak 2023ko ekitaldiari dagozkion Udalkutxa eta Gizarte Zerbitzuen Udal Finantzaketa foru-funtsak likidatu ditu. Likidazio horien batura 1.033,65 milioi euro izan da, hau da, hasierako aurreikuspenen aldean udalen aldeko 23,27 milioi eurokoa.
Horrela, Bizkaiko udalerriek 23.049.949 euroko aparteko zenbatekoa izango dute aurten Udalkutxa Udal Finantzaketarako Funtsaren likidaziotik. Bizkaiko udalerri bezala, Galdakaok eta Usansolok ere jaso dute diru kopuru hori, Usansolok lehen aldiz.
Usansolok, Udal Gobernu baten faltan, ez du oraindik aurrekonturik onartu baina Finantzetako Lurralde Kontseiluak lehen aldiz sartu du udal-finantzaketarako foru-funtsei buruzko gaietan. «Usansolo, udalerri moduan inskribatu zenetik, Bizkaiko Lurralde Historikoko 113. udalerria da. Ondorio guztietarako Bizkaiko udal-finantzaketaren sisteman sartu da, autonomia-printzipioari eta finantza-nahikotasunari jarraiki», azaldu dute Bizkaiko Foru Aldunditik.
