Usansoloko XXI. Bira antolatuko dute domekan
TESTUA: Irati Alonso García
ARGAZKIA: Pixabay
Usansoloko Biraren XXI. edizioa domekan, ekainak 16, antolatuko du Burtotza Mendi Taldeak. Ibilbide luzea eta laburra egiteko aukera izango da eta izen-ematea egunean bertan egingo da, martxak hasi baino lehen.
Beste urte batez, Usansoloko Bira antolatuko du Burtotza Mendi Taldeak. Aurtengoa XXI. edizioa izango da eta domekan, ekainak 16, egingo da, Usansoloko inguruetan ibiltzeko aukera izango dutela parte-hartzaileek.
Ibilbide bi egin ahal izango dira domekan. Batetik, luzea, 20,3 kilometrotakoa, eta bestetik laburra, 10,3 kilometrotakoa. Lehenengoa 8:00etan hasiko da eta bigarrena 9:30ean.
Bietan parte hartzeko beharrezkoa da izena ematea eta egunean bertan egingo da, martxak hasi baino ordu erdi lehenago.
