Zainketa aringarriei buruzko hitzaldia eskainiko du Iñaki Peña adituak Galdakaon
TESTUA: Irati Alonso García
ARGAZKIA: Instituto Geriátrico Valenciano
Galdakaoko Udalak, Zainduz programaren baitan, ‘Zainketa aringarriak: komunitatearen garrantzia’ hitzaldia antolatu du eguaztenerako, martxoak 26. Saioa Gandasegi eskolan izango da eta Iñaki Peña medikuak eskainiko du.
Gaixotasun larriak, aurreratuak edo sendaezinak dituzten pertsonen senideei eta zaintzaileei zuzendutako dibulgazio topaketa antolatu du Galdakaoko Udalak eguaztenerako, martxoak 26. Zainduz programaren baitan programatu du eta ‘Zainketa aringarriak: komunitatearen garrantzia’ izango du.
Iñaki Peña Bandresek emango du hitzaldia eta bizitzaren amaierako prozesuari ahalik eta modu naturalenean aurre egitearen garrantziari helduko dio. Peña 20 urte baino gehiagoz Debagoieneko Ospitalean Zainketa Aringarrietako mediku laguntzaile izan da, eta 2016tik 2023ra Arinduz Euskadiko Zainketa Aringarrien Elkarteko zuzendaritza batzordeko kidea, eta 2011tik da bertako bazkidea.
Hitzordua 17:30ean izango da Gandasegiko areto nagusian sarrera doakoarekin eta ez da beharrrezkoa aurretik izena ematea.
