Galdakaoko Udal Gobernuak hurrengo urteetarako proiektuak aurkeztuko ditu bihar jendaurrean
TESTUA: Irati Alonso García
ARGAZKIA: Galdakaoko Udala
Galdakaoko Udal Gobernuak legealdi honetarako prestatu duen bide-orria jendaurrean aurkeztuko du bihar, abenduak 15. Ekitaldia Torrezabalen izango da eta bertan izateko aukera izango dute herritarrek, aldez aurretik izena emanez.
Hurrengo urteetan aurrera eraman nahi duen estrategia eta martxan jarriko dituen proiektuen zerrenda prest du Galdakaoko Udal Gobernuak eta barikuan, abenduak 15, aurkeztuko ditu Torrezabal Kultur Etxean 18:30ean.
Ekitaldian gobernu talde osoa egongo da eta herritarrak ere bertan izateko aukera izango dute, aldez aurretik izena emanez. udala@galdakao.eus helbidera mezua idatzita eta 94 401 05 06 telefono zenbakira deituta eman daiteke izena.
Udalak azaldu duenez, Hiru ardatz nagusitan banatuko da legealdi honetako gobernu plana, eta zinegotziek eta alkateak euren ahotik azalduko dizkiete herritarrei hemendik aurrerako asmo horiek. Ondoren, mokadutxo baten bueltan elkarrekin solasean aritzeko aukera izango da.
