Aurrekontu parte hartzaileetan aukeratutako 32 proiektuak aurkeztu ditu Udalak

TESTUA: Naia Bergaretxe Sarria
ARGAZKIA: Galdakaoko Udala

Udalerriko zonalde guztietan inplementatuko diren herritarrek proposatu eta aukeratutako 32 proiektuak aurkeztu ditu Galdakaoko Udalak, 2023ko eta 2024ko aurrekontuetan txertatuko direnak.

Aurrekontu parte hartzaileetarako azken prozesuan, Galdakaoko Udalak eremuka banatu zituen proposamenak eta aukeraketa sistema, «auzo eta guneen arteko oreka lortu» gurean. Udalak herritarrekin izandako elkarlan hau martxoan hasi zen eta proposamenen aukeraketa fasearekin amaitu zen uztailaren 15ean.

Prozesu guzti hau hasteko, talde eragilea sortu zen. Talde eragilea 15 auzokide inguru izan ziren, Galdakao eremuka banatu behar izan zutenak, baita eremu bakoitzak jasoko zuen aurrekontu zatia erabaki ere. Horren ondoren, herritarrek proposamenak egiteko epea zabaldu zen, eta ideiak hainbat lekutatik jaso ziren; Haurren Kontseilutik, Topaguneetatik, adinekoen zentroetatik eta herritarrengandik zuzenean.

Herritarrek proposamenak presentzialki edo online botatzeko aukera izan dute aurten, erabaki.galdakao.eus plataformari esker. Galdakaoko Udala pozik azaldu da erabileraren esperientzia eta emaitzarekin, hala ere, paper bidez parte hartzeko era tradizionala ordezkatuko ez duela argitu du.

Guztira 232 proposamen jaso ziren, eta horietatik 32 dira 2023an eta 2024an gauzatuko direnak auzo eta gune ezberdinetan, balorazio teknikoen ondoren herritarrek eurek erabakita:

• Bekea —1 eremua—: Bekea eta Meatzetako bideko argiak hobetzeko 66.500,00 €
• Bekea —1 eremua—: Bekeako garbitegi zaharra berreskurtazeko lanetarako 66.500,00 €
• Bekea —1 eremua—: Bekea zaintzeko sentsibilizazio kanpainarako 3.500,00 €
• Olabarri —1 eremua—: Nagusientzako heziketa fisikorako 10.000,00 €
• Kurutzea —2 eremua—: Berdegune gehiago jartzeko 24.500,00 €
• Kurutzea —2 eremua—: Berdegune gehiago jartzeko Iturrondo plazan 24.500,00 €
• Kurutzea —2 eremua—: Izarra adinekoentzako zentroko irisgarritasunaren arazoa konpontzeko 24.500,00 €
• Urreta —2 eremua—: Grafitien lehiaketa/ikuskizun/ekitaldia Urretan egiteko 50.000,00 €
• Zuhatzu —3 eremua—: Zuhatzuko pasealekua argiztatzeko 31.500,00 €
• Tximiolarrabekoa —3 eremua—: Plazakoetxeko “baso” gunea egokitzeko 15.000,00 €
• Aperribai —4 eremua—: Bioaniztasunerako lorategiak. Hiriko belartzak berreskuratzeko eta hiri-basoak sortzeko 49.000,00 €
• Aperribai —4 eremua—: Aperribai eskolako tuberiak konpontzeko 49.000,00 €
• Txistulanda —4 eremua—: Haurrekin memoria historikoa lantzeko 50.000,00 €
• Olabarrieta —4 eremua—: Informazioa: Triptikoak jokabide arauak zabaltzeko. Udaleko gidaliburuak. Kokapen mapak 1.000,00 €
• Txistulanda —4 eremua—: Liburuak Txistulandako parkean 20.000,00 €
• Usansolo —5 eremua—: Gure Etxea Adinekoen Zetroko atean hegala jartzeko —edo beste sistema eraginkor bat— 12.000,00 €
• Usansolo —5 eremua—: Bankuak eta gereizpeak Emakumeen Plazan jartzeko 38.000,00 €
• Gorozibai —5 eremua—: Adineko pertsonentzako eta gazteentzako jarduera fisikoa kalean sustatzeko 49.000,00 €
• Urtebieta —6 eremua—: Urtebieta auzoko kotxe eta motorrentzako aparkalekuak hobetzeko 49.000,00 €
• Tximiolarragoikoa —6 eremua—: Bolardoen ordez sistema eraginkorrago bat jartzeko 5.000,00 €
• Urtebieta —6 eremua—: Urtebietarako irisgarritasun orokorreko proiekturako 20.000,00 €
• Urtebieta —6 eremua—: Urtebietarako irisgarritasun mekanikoko proiekturako 20.000,00 €
• Tximiolarragoikoa —6 eremua—: Txakurren jabeentzako kontziantziazio kanpainarako 3.500,00 €
• Bengoetxe —7 eremua—: Arrien inguruko lurpeko pasabidea ixteko 25.000,00 €
• Bengoetxe —7 eremua—: Sagardui tailerretako lur-saila berreskuratzeko 50.000,00 €
• Bengoetxe —7 eremua—: Bengoetxe – La Troka inguruko memoria historikoa jasotzeko proiekturako 25.000,00 €
• Bengoetxe —7 eremua—: Bengoetxeko aparkalekua urbanizatu Merkadillorako pasabidea izateko 30.000,00 €
• Galdakao osoa —8 eremua—: Galdakao Argazkilaritza txokorako 18.000,00 €
• Galdakao osoa —8 eremua—: Galdakaon kerik gabeko guneak errespetatzeko kanpaina egiteko 6.500,00 €
• Galdakao osoa —8 eremua—: Aintzineko bideak berreskuratzeko azterlanerako 18.000,00 €
• Galdakao osoa —8 eremua—: Nerabeentzat kaleko ekintzetarako 20.000,00 €
• Galdakao osoa —8 eremua—: Taxi zerbitzurako 65.000,00 €