ARGAZKIAK | Sormenek zenbait euskal artista emakume batu zituen oholtzan
TESTUA: Jon Gomez Garai
ARGAZKIAK: Peio Zamalloa
Atzo hasi zen, goiz eta arratsalde, Sormeneren udazkeneko ekinaldia. Arratsaldeko saioa Euskaraldiaren aldeko ekimena izan zen, beren-beregi Sormenerako sortu zena zenbait euskal sortzaile —eta bereziki emakume gazte— oholtza berean elkartuz. Galdakoztar bi ere izan ziren tarteko.
Atzo, azaroaren 10arekin, hasi zuen Sormene Galdakaoko sorkuntzen plazak bere udazkeneko ekinaldia. Goizean, Binkek iragarri bezala, Eider Eibar Galdakaon bizi den ilustratzaileak tailer koloretsua eskaini zien Urretako, Aperribaiko eta Unkinako ikasleei.
Arratsaldean berriz, kultur adierazpide ezberdinetako sortzaile gazte euskaldunak oholtza berean entzuteko aukera izan genuen, tartean bi galdakoztar zirela: Libe Goitia Artetxe poeta eta Beñat Armentia Arriandiaga musikaria. Elkarrekin Artetxeren poema bat irakurri zuten, pianoan Arriandiaga lagun zuela.
Gainontzeko partaideak izan ziren Ane Labaka eta Miren Amuriza idazle zein bertsolariak, Esti Markez eta Danae Riaño musikariak, eta Nagore Muriel zinemagilea. Aurkezle lanetan beste emakume bat izan zen: Ainhoa Etxebarria irrati esatari eta aktorea.
Gaur, barikua, goizean Oier Araolaza dantzan aditu eta antropologoarekin ikasteko aukera izan dute ikasleek Gandasegi ikastetxeko areto nagusian. Eta arratsaldean berriz dantza eta bertsoa uztartuko dituen AMAraun ikuskizuna eskainiko dute, amatasunaz, Oihana Iguaran eta Amaiur Luluaga bertsolari eta dantzariek.
Atzoko saiora bueltatuz, bertan izan zen Binkeren izenean Peio Zamalloa argazkilaria, eta irudi eder honek atera zituen:
