Barrualde-Galdakaoko ESIak Avedis Donabedian Fundazioaren kalitate-saria jaso du
TESTUA: Irati Alonso García
ARGAZKIA: Eusko Jaurlaritza
Barrualde-Galdakaoko ESIak ‘Avedis Donabedian’ kalitate-saria jaso du, Jarduera Memoria Onenarengatik. Memoria honetan jarduera asistentziala, adierazle sozialak, ingurumenekoak eta ekonomikoak ere jasotzen dira, baita giza eskubideak errespetatzearekin lotutakoak ere.
Barrualde-Galdakaoko ESIak sari berri bat jaso du. Pasa de urtean ‘Avedis Donabedian’ kalitate-saria jaso zuen, Gizarte Erantzukizuneko Memoriarengatik. Memoria hau nazioarteko estandarretan oinarrituta dago eta asistentzia-jardueraren adierazleak jasotzen ditu, BINKEk jaso zuen moduan.
Aurten sari berdina jaso du, kasu honetan Jarduera Memoria Onenarengatik. Edizio honetan saritutako jarduera-memoria GRI (Global Reporting Initiative) nazioarteko estandarretan oinarritzen da. Estandar horietan, jarduera asistentzialaren adierazleez gain, adierazle sozialak, ingurumenekoak eta ekonomikoak ere jasotzen dira, baita giza eskubideak errespetatzearekin lotutakoak ere. Bestalde, memoria honek bat egiten du 2030 Agendaren Garapen Jasangarrirako Helburuekin.
Aurretiaz, 1995ean, orduko Galdakaoko Ospitaleak irabazi zuen sari hori eta oraingoan Bartzelonan jaso zuen Barrualde-Galdakaoko ESIak. Ekitaldian izan ziren Jon Guajardo Remacha Barrualde-Galdakao ESIko zuzendari-gerentea, Susana Garate Pérez Ekonomia eta Finantzako zuzendaria eta Argiñe Escolástico Kalitateko arduraduna.
Irabazi asmorik gabeko Avedis Donabedian Fundazioaren xedea da lan egitea profesionalekin eta osasun-zentroekin, administrazio publikoekin, elkargo profesionalekin, eta erakunde publiko eta pribatuekin, herritarrek jasotzen dituzten osasun- eta gizarte-zerbitzuen kalitatea hobetzeko. Hobetzeko asmo horri erantzuteko, berriz, Fundazioak sari batzuk ematen dizkie, urtero, bere jarduera-eremuan kalitatea bultzatu duten pertsona eta erakundeei.
