BINKEren WhatsApp zerbitzua bertan behera geratu da behin-behinean

TESTUA: Irati Alonso García
ARGAZKIA: BINKE

WhatstApp zerbitzuaren sistemaren azken eguneraketak bertan behera utzi ditu difusio taldeak eta BINKEk hauen bitartez bidaltzen zuen gauero eguneko albisteen laburpena. Ondorioz, BINKEren WhatsApp zerbitzua bertan behera geratu da behin-behinean.

Aspaldi jarri zuen martxan BINKEk Telegram kanal publikoa eta duela urte eta erdi inguru WhatsApp zerbitzua abiatu zuen, batez ere sare sozialak jorratzen ez dituzten herritarrei gure herrietako albisteak helarazteko helburuz.

WhatsApp zerbitzuan alta emandakoek, 200 lagun inguru, gauero eguneko albisteen laburpena titularrekin labur-labur jaso dituzte orain arte, mezu bakarrean.

Hemendik aurrera ordea, behin behinean, zerbitzu hau bertan behera geratu da, WhatstAppen sistemaren azken eguneraketak bertan behera utzi dituelako difusio taldeak, eta hauen bitartez bidaltzen zuen BINKEk egunero albisteen laburpena.

Laburpen hau berriz eskaintzeko helburuz, alternatiba baten bila dabil BINKE.