EGITARAUA | Apirileko Feria ospatuko dute asteburuan Urretan
TESTUA: Irati Alonso García
ARGAZKIA: Peio Zamalloa
Apirileko Feria ospatzeko ekintzak antolatuko dituzte asteburuan Galdakaoko Urreta auzoan. Besteak beste, pintxo dastaketak, dantza ikuskizunak eta musika emanaldiak eskainiko dituzte zapatuan eta domekan. Hemen batu dugu egitarau osoa.
Aurreko urteetan bezala, Andaluzioako erritmoa eta kolorea helduko dira Galdakaora. Asteburuan Apirileko Feria ospatuko dute Urreta auzoan, eta horretarako hainbat ekintza antolatu ditu Urretalde Jai Batzordea Elkarteak Galdakaoko Udalaren laguntzarekin.
Besteak beste, musika ikuskizunak, jantzi flamenkoak, lehiaketak eta tapa tipikoen dastaketa Lorea eta Gure Bastartxue tabernetan izango dira. Hemen batu dugu egitarau osoa:
Apirilak 20, zapatua
12:00 Taberna laguntzaileetan ohiko pintxoak dastatzeko aukera
13:00 Sevilla-dantza erakustaldia, Osane Ruizen eskutik
17:00 Miss eta Mr. UrretaOlé hautatzeko II.Lehiaketa
21:00 Kesoniketeren flamenko kontzertua
Apirilak 21, domeka
12:00 Taberna laguntzaileetan ohiko pintxoak dastatzeko aukera
13:00 Fitflamc (zumba flamenkoa)
19:00 Eduardo Florido dantzariaren ikuskizun flamenkoa
