Galdakao Bolei Taldeak Superliga 2 mailari hasiera emango dio bihar
TESTUA: Irati Alonso García
ARGAZKIA: Galdakao Bolei Taldea
Galdakao Bolei Taldeko mutilek bihar, urriak 5, emango dio hasiera Superliga 2 mailari Urreta kiroldegian. Intasa San Sadurniño taldearen kontra arituko dira eta sarrera doakoa izango da.
Galdakao Bolei Taldeko senior mutilek Superliga 2 mailara igotzea lortu zuten pasa den denboraldian eta honen ondorioz liga honetan arituko dira aurten. Bihar, urriak 5, emango diote hasiera liga berriari eta etxean egingo dute, Urretan.
Kiroldegiak Galdakao Bolei Taldearen eta Intasa San Sadurniñoren arteko partida hartuko du 18:00etan eta sarrera doakoa izango da, «denok gozatu ahal izateko».
Intasa San Sadurniño bere multzoko txapeldunorde eta azken faseko txapeldun izan zen iaz baina maila gorenean jokatzeari uko egin zion.
