GOTx elektrotxarangak kontzertua eskainiko du gaur Galdakaon
TESTUA: Irati Alonso García
ARGAZKIA: Aitzol Zamalloa
GOTx elektrotxarangak gaur Galdakaon kontzertu sorpresa eskainiko duela iragarri du. Galdakoztarrak herriko Somera kalean arituko dira, 20:00etatik aurrera «poteoa animatzen».
Galdakao eta inguruetako kaleetan zehar hainbatetan entzun ahal izan dira GOTx elektrotxarangaren erritmoak. Duela urtebete luze sortu zen herriko lehen elektrotxaranga eta Binkeri aitortu moduan, hasieratik izan zituzten jotzeko proposamenak.
Oraingoan herrian izango dira berriz, izan ere, taldeak iragarri duenez, kontzertu sorpresa eskainiko dute Galdakaon Udalaren eta Gu Dendari Elkartearen babesarekin.
Somera kalean izango da kontzertua, 20:00etan. «Poteoa animatzen egongo gara. Animatu!», adierazi du elektrotxarangak sareetatik.
