Inauterietako jaia antolatuko dute domekan Urreta eskolan

TESTUA: Irati Alonso García
ARGAZKIA: Pixelshot

Argizai Eskaut taldeak eta Galdakaoko Udalak haurrei zuzendutako inauterietako jaia antolatuko dute domekan, otsailak 19, Urreta Eskolan. Tailerretan, gynkanan, txokolatadan eta mozorroen desfilean parte hartzeko aukera izango dute umeek arratsaldean zehar.

Inauteriekin batera, mozorro eta koloreak helduko dira Galdakao eta Usansoloko kaleetara hurrengo egunetan. Binkek jaso zuen moduan, herrietako taldeek eta Udalak hainbat ekintza antolatu dituzte, adin eta zaletasun guztiei zuzenduak.

Besteak beste, Argizai Eskaut Taldeak eta Udalak haurrei eta familiei zuzendutako inauterietako jaia antolatuko dute domekan, otsailak 19, Urreta eskolan.

Arratsaldeko 17:00etatik 18:15era tailerrak, jolas handiak eta aurpegi margoketa izango dira eta jarraian gynkana hasiko da. Ondoren, indarra hartzeko, txokolatea banatuko dute.

Azkenik, 18:45 inguru, mozorro desfilea antolatu dute, ume eta familiek haien jantzi koloretsu eta originalak erakutsi ditzaten.