Talde kriminal bat identifikatu dute auzokideek asteburuan Galdakaon

TESTUA: Irati Alonso García
ARGAZKIA: BINKEri bidalitakoa

Auzokide batzuek Galdakaoko etxe batzuetan pertsona batzuk «gauza susmagarriak egiten» ikusi zituzten, eta horregatik haien autoari argazki bat atera zioten. Aurretik lapurretan ibilitako talde kriminal bat dela baieztatu du poliziak, eta kotxea ikusiz gero Udaltzaingora edo Ertzaintzara deitzea eskatu du.

Zabalea, Simon Linaza eta inguruetan «gauza susmagarriak egiten» zeuden pertsona batzuk ikusi zituzten auzokide batzuek asteburuan eta horregatik argazki bat atera zioten haien autoari. Poliziarekin kontaktuan jarri ostean aurretik lapurretan ibilitako talde kriminal bat dela baieztatu dute.

Identifikatutako autoak —albistearen argazkian ageri denak— 8452FNN matrikula du eta ikusiz gero Udaltzaingora edo Ertzaintzara deitzea eskatu dute.

Poliziaren datuen arabera, lau gizonek eta emakume batek osatzen dute taldea eta aurretik etxeetan lapurretak egin dituzte indarkeria erabilita Espainiar estatuko beste autonomia erkidego batzuetan. Horregatik poliziak «talde kriminal» moduan izendatu du antolatutako talde hau.