Kultura
BINKE / 2022ko maiatza

Udaberriko hitzaldi zikloa eskainiko du Orreaga taldeak maiatzean

TESTUA: Naia Bergaretxe Sarria
ARGAZKIAK: Hizlarien sareetatik

«Udaberria hitzaldiz jantziko» du Orreaga taldeak berrogeita seigarren hitzaldi zikloan, maiatzeko eguazten bakoitzean hitzaldi bana eskainiz Torrezabal Kultur Etxean.

Maiatzeko eguazten guztietan eskainiko dute Orreaga taldeko kideek hitzaldi bana Torrezabal Kultur Etxean. Udaberriak Galdakao hitzaldiz jantzi gurean, XLVI. saioa antolatu dute hilabete honetarako Galdakaoko Udalaren laguntzarekin.

Edizioa hasteko Mitxel Elortza irakasle gasteiztarra izango da; bigarren asteazkenerako, EKAI taldeko zuzendaria den Adrian Zelaia legelaria; hirugarren astean Asisko Urmeneta irudigile eta komikilaria eta berrogeita seigarren hitzaldi ziklo hau amaitzeko, Joxe Manuel Odriozola idazlea izango da Galdakaon.

Ondoko lau hitzaldia hauek dira eskainiko direnak:

Maiatzak 4, 19:30. Mitxel Elortza, «Arnas Dezagun» ekimenaren aurkezpena.
Maiatzak 11, 19:30. Adrian Zelaia, «Euskara eta demografia».
Maiatzak 18, 19:30. Asisko Urmeneta, «Amaiur» liburuaren aurkezpena.
Maiatzak 25, 19:00. Joxe Manuel Odriozola, «Nazio euskaldunaren atarramentua».