Taldeetako kide kopurua mugatuko da Santakurtzetako kuadrilen desfilean, lehenengoz

TESTUA: Irati Alonso García
ARGAZKIA: Peio Zamalloa

Txupinazoa baino lehen Santakurtzetan antolatu ohi den kuadrilen desfileko taldeetako kide kopurua mugatuko da lehen aldiz aurten. Talde bakoitzeko gehienez 60 kidek parte ahal izango du, «iazko pilaketak eta atzerapenak saihesteko».

Barikuan, irailak 13, hasiko dira Santakurtzak eta hamar egunetan zehar adin eta zaletasun guztietarako ekintzak izango dira Galdakaon. Besteak beste, kuadrila txapelketa antolatuko da urtero moduan eta honetan parte hartzeko izen ematea zabalik dago irailaren 11ra arte, BINKEk jaso zuen moduan.

Ohi denez, kuadrilen desfilea izango da txapelketa honetako lehen ekintza eta honek berrikuntza bat izango du aurten, izan ere, desfilean parte hartuko duten talde bakoitzeko kide kopurua mugatzea erabaki dute antolatzaileek.

Helburua «iazko pilaketak eta atzerapenak saihestea» da eta kuadrila bakoitzeko horregatik gehienez 60 kidek parte ahal izango du desfilean kuadrila bakoitzeko.