Bihar da Helduen Heziketarako Ikastetxe Publikoan matrikulatzeko azken eguna

TESTUA: Irati Alonso García
ARGAZKIA: iStock

Galdakaoko Helduen Heziketarako Ikastetxe Publikoan matrikulatzeko epea zabalik dago. Bihar, irailak 13, bitarte egin daiteke eta albiste honetan batu ditugu horretarako jakin beharrekoak.

Ikasturte honetan Galdakaoko Helduen Heziketarako Ikastetxe Publikoan matrikulatzeko epea zabalik dago. Bihar, irailak 13, bitarte egin daiteke eta horretarako informazio guztia lortu daiteke hiru modutan: webgunean, 944566098 telefonoan edo WhatsApp bidez 688810808 zenbakian.

Jendaurreko ordutegia aldiz, honako hau da: astelehenetik barikura, 10:00etatik 12:00etara, eta astelehenetik eguenera, 16:00etatik 18:00etara.

Urreta kaleko 4. eta 6. zenbakietan dagoen ikastetxean eskainiko dira prestakuntza arautua eta ez arautua. Prestakuntza eskaintzaren barruan daude, besteak beste, DBHko graduazio ikastaroa, etorkinentzako gaztelania eskolak, nazionalitate probak, informatika eta trebakuntza digitala, eta hizkuntza ikastaroak (euskara, ingelesa eta frantsesa).

Hori guztia talde txikietan eskainiko da, goizez zein arratsaldez, «malgutasunez eta ikasleen beharretara egokituta».