Gazteei zuzendutako petanka txapelketa antolatuko dute Galdakaon

TESTUA: Irati Alonso García
ARGAZKIA: Casa de Fieras

Mozoilo Petanka Klubak gazteei zuzendutako petanka txapelketa antolatuko du zapatuan, azaroak 2, Topaguneekin batera. Lehiaketa Zugutzun izango da eta 17:00etan hasiko da.

Duela aste batzuk emakumeei zuzendutako petanka jardunaldia antolatu zuen Mozoilo Petanka Klubak eta ekimenak arrakasta handia izan zuen. Hitzorduan 100 emakume inguruk parte hartu zuen.

Arrakasta hori errepikatzeko asmoz, gazteei zuzendutako txapelketa antolatuko du klubak zapatuan, azaroak 2. Topaguneekin batera, 12 eta 18 urte arteko gazteentzako lehiaketa egingo du Zugutzun.

Hitzordua 17:00etan hasiko da eta lehiaketaren ostean sari banaketa eta txokolatada eskainiko dituzte. Ekimenean parte hartzeko izena eman daiteke Galdakaoko Topaguneetan edo egunean bertan Zugutzun, txapelketa hasi baino lehen.