Ate irekien jardunaldiak antolatu ditu Adiskide Pilota Elkarteak Kurtzeko frontoian
TESTUA: Irati Alonso García
ARGAZKIA: Adiskide Pilota Elkartea
Umeen artean euskal pilota ezagutzera emateko helburuz, ate irekien jardunaldiak antolatu ditu Adiskide Pilota Elkarteak. Saioak barikuetan dira Kurtzeko frontoian eta parte-hartzeko izena eman behar da aurretik.
Adiskide Pilota Elkarteak euskal pilota sustatu nahi du umeen artean eta horretarako ate irekien jardunaldiak antolatu ditu Kurtzeko frontoian. Saioak barikuetan dira, 17:00etatik 18:00etara, eta 2018 urtetik aurrera jaiotako haurrei zuzenduta daude.
Parte-hartzeko izena eman behar da aurretik formulario honen bitartez, eta honetan umearen datuak zehaztu behar dira, eta baita zein saiotan parte hartu nahi duen honek.
«Pilota ezagutu nahi duen edozein gazte ongi etorria izango da!», adierazi dute aurten 50. urteurrena ospatzen ari den taldetik.
