Bihar zabalduko da Lanbide Heziketako zentroetan aurrematrikulazioa egiteko epea
TESTUA: Irati Alonso García
ARGAZKIA: M. P.
Galdakaoko Lanbide Heziketako bi ikastetxeek, Ostalaritza Eskolak eta Andra Mari Lanbide Heziketako zentroak, bihar, maiatzak 6, irekiko dute aurrematrikula egiteko epea. Hilaren 24ra arte egongo da zabalik eta presentzialki edo online egin daiteke.
Aurtengo ikasturtea amaitu ez den arren, ikastetxeak hasi dira honezkero hurrengoa prestatzen. Galdakaoko Lanbide Heziketako bi ikastetxeek, Ostalaritza Eskolak eta Andra Mari Lanbide Heziketak, bihar, maiatzak 6, irekiko dute aurrematrikula egiteko epea.
Izena presentzialki edo online eman daiteke zentro bietan maiatzaren 24ra arte eta hauek dira ikastetxeen datuak:
- Andra Mari LHII: Elexalde auzoa, 45-B. Galdakao. Tel.: 94 456 27 20. www.andramari.eus
- Ostalaritza Galdakao LHII: Sixta Barrenetxea, 24. Galdakao. Tel.: 94 456 04 58 / 94 457 60 77. www.hostelerigaldakao.com
Izena emateko epea amaitu ondoren, uztailaren 5ean argitaratuko dira onartuen behin behineko zerrendak, eta hilaren 11n behin betikoak aterako dira, erreklamazioak aurkezteko epea igaro ondoren.
