Burtotza Mendi Taldeak Eltziegoko Bauza upeltegira irteera antolatu du
TESTUA: Irati Alonso García
ARGAZKIA: Eltziegoko Udala
Eltziegoko Bauza upeltegira bisita antolatu du Usansoloko Burtotza Mendi Taldeak martxoaren 25erako. Dagoeneko izena eman daiteke 55 euroko prezioan bazkideentzat eta 60 eurokoan gainerakoentzat.
Hainbat ekintza antolatzen ditu urtean zehar Usansoloko Burtotza Mendi Taldeak. Kasu honetan, mendi ibilbideak alde batera utzi eta Arabako upeltegi famatuenetako batera bisitatzeko aukera eskainiko du taldeak.
Zehazki, Eltziegoko Bauza upeltegira irteera antolatu dute martxoaren 25erako. Usansoloko geltokitik irtengo dira goizeko 10:00etan eta leku berera helduko dira gaueko 22:00ak aldera.
Dagoeneko izena eman daiteke 55 euroako prezioan bazkideentzat eta 60 eurokoan gainontzekoentzat. Horretarako eta informazio gehiago ezagutzeko, burtotzamtusansolo@gmail.com helbidera idatzi behar da.
