Edu Madina hil da, Galdakaoko historiaren dibulgatzailea eta BINKEko kolaboratzailea
TESTUA: Irati Alonso García
ARGAZKIA: Jon Gomez Garai
Edu Madina Etxebarria galdakoztarra hil da gaur, 69 urterekin. Galdakao Gogora elkarteko sortzaileetako bat izan zen eta herriaren memoria historikoa berreskuratzeko lan handia egin zuen. Ardura horretan hainbat artikulu idatzi zituen BINKErentzat ere.
Gaur, otsailak 5, Edu Madina Etxebarria galdakoztarra hil da. Madinak 69 urte zituen eta herrian ezaguna zen memoria historikoa berreskuratzearen alde egindako lanagatik. Galdakao Gogora elkarteko sortzaileetako bat izan zen eta historia galdakoztarreko pasarte asko gogorarazten lan handia egin zuen Madinak, baita Galdakaoko Udala arlo horretan laguntzen ere.
Memoriaren berreskuratze lan horretan, artikulu eta erreportaje asko idatzi zituen BINKErentzat, besteak beste:
- 1983ko uholdeak iruditan.
- Angel Zubieta, futbolaren idolo izan zen galdakoztarra.
- Izan genuen jolas-parke hura gogoratzen?
- Santa Barbarako kaperak 110 urte.
- Egurbideen garrantzia gurean.
- Dardar egingo genuke 1935eko Bisita Orokorrarekin.
- Ermiten inguruko erromeriak eta lehenengo «unibertsitatea».
- Herri-lurrak, herriaren sostengu.
- Artzaintzaren ganadurako Kortak.
Bestalde, Kapi auzo elkarteko kide izan zen eta laguntzaile lanak egin zituen Jose Mari Mintegik eta Galdakaoko Udalak argitaratu zuten liburuan, perretxikoen izenak euskaraz batu zituen lehenengo argitalpenean. Horretan ere, perretxikoen munduan, aditua zen Edu Madina galdakoztarra.
Eskerrik asko erakutsi eta eskaini diguzun guztiagatik, Edu. Gugan bego.
