RubiK al Kuadrado konpainiak Oniro antzezlana eskainiko du barikuan, urriak 7, Torrezabal Kultur Etxean. Familiei zuzenduta dago, eta ametsen unibertsoa aztertzen du.
Urte amaierara bitarte eskainiko duen egitarau zabalaren baitan, Torrezabal Kultur Etxeak RubiK al Kuadrado konpainiaren ikuskizuna hartuko du barikuan, urriak 7.
Zehazki, Oniro haurrentzako antzezlana aurkeztuko du taldeak Galdakaon, 18:00etan.
Obra familientzako proposamen eszeniko bat da, ametsen unibertsoa eta haurtzaroko hazkunde emozionalaren prozesua aztertzen dituena.
Sarrerak eskuragai daude Torrezabaleko lehiatilan eta ohiko webgunean.
