Farmamundik eta Erabidek Romualda Zuloagaren margolan parte-hartzailea eman diote Galdakaoko Udalari
TESTUA: Irati Alonso García
ARGAZKIA: Farmamundi
Farmamundi Euskadik eta Erabide Emakume Elkarteak Romualda Zuloaga Artetxe pandero-jolea omentzen duen margolan parte-hartzailea eman diote Galdakaoko Udalari. Azaroaren 25ean egin zen koadroa, Emakumeenganako Indarkeriaren Aurkako Egunean, eta «osasun komunitarioko proiektu baten emaitza da».
Azaroaren 25ean Emakumeenganako Indarkeriaren Aurkako Eguna izan zen eta honen harira Farmamundi Euskadik eta Erabide Emakume Elkarte galdakoztarrak Romualda Zuloaga Artetxe pandero-jolearen margolan bat egin zuten.
Osasun komunitarioko proiektu baten emaitza da, eta «emakumeek memoria historikoan duten garrantziaz eta Galdakaoko Emakumeen Etxea eraikitzeko beharraz hausnartu du». Margolana Galdakaoko Udalari eman diote.
«Koadroa udalari ematea ekintza sinbolikoa da, erakundeek emakumeen artean ahalduntzeko, aniztasunerako eta elkar aitortzeko espazio publikoak sustatu behar dituztela adierazteko», adierazi du Miren Alapont Erabideko presidenteak. Halaber, «osasun emozionalaren eta osasun komunitarioaren garrantziaz sentsibilizatzeko modu bat da, memoria historikorik ezak eta genero-indarkeriak eragiten baitie».
Farmamundi eta Erabideren nahia horma bat aurkitzea da, Romualda Zuloagaren irudi iraunkorra islatzeko. «Mural hori puntu garrantzitsua izango da Galdakaoko osasun-aktiboen ibilbidean. Horregatik, herriko bizilagunen bat bilatzen gaude, Emakume guztien, gure amonen, amen, alaben eta lagunen oroimena berreskuratu nahi duena», azaldu du Farmamundiko arduradunak.
