Herriko ondarea gogora ekarri zuten adinekoek Plazakoetxeko eguneko zentroan

TESTUA: Irati Alonso García
ARGAZKIA: IMQ Igurko

Bigite Elkarteak, Galdakaoko Udalak eta IMQ Igurco Plazakoetxek Galdakaoko kultur ondarea gogorarazteko jardunaldia antolatu zuten Plazakoetxeko eguneko zentroan. Hitzorduan herriko adinekoen talde batek parte hartu zuen.

Bizkaiko Foru Aldundiaren azpiegitura sozialen sareko IMQ Igurco Plazakoetxe Galdakao eguneko zentroak, Galdakaoko Udalak eta Bigite Elkarteak Galdakaoko ondare kultural inmateriala gogorarazteko jardunaldia antolatu zuten abenduaren 18an eguneko zentroko instalazioetan. Ekimena Bizkaiko Ondarearen Europako Jardunaldietan kokatu zen.

Horrela, Ondarearen Europako Jardunaldien koordinatzaile Jesús Muñizen laguntzarekin, eguneko zentroko adinekoek, lehenik eta behin, ‘Bengoetxe’ dokumentala ikusi ahal izan zuten.

Bertan, Galdakaoko pertsonek kontatutako oroitzapenak jasotzen dira. Eguneko zentroko erabiltzaileek ere parte hartu zuten beren bizitzako istorioak kontatuz, beren lanak, Galdakaoko haurtzaroko bizimodua eta era askotako oroitzapenak aipatuz.