![](https://binke.eus/wp-content/uploads/2022/09/Gautxoria-autobus-jaiak-660x400.jpg)
Inguruko jaietatik bueltatzeko Gautxoria bihar jarriko da martxan
TESTUA: Irati Alonso García
ARGAZKIA: LeonardP
Hasi dira gure inguruetako jaiak, eta hauekin batera, parrandetatik Galdakaora bueltan etortzeko garaia. Horretarako, beste urte batez, Arratiako, Zornotzako eta Galdakaoko jaietatik doan bueltatzeko gaueko autobus zerbitzua jarriko dute martxan bihartik, ekainak 8, aurrera. Albiste honetan batu ditugu datak eta ordutegiak.
Udarekin batera, bueltan dira herriko jaiak eta aurreko urteetan bezala, Arratiako, Zornotzako eta Galdakaoko jaietatik joan-etorria egiteko gaueko autobus zerbitzua eskainiko dute Arratiako Udalen Mankomunitateak, Zornotzako Udalak eta Galdakaokoak elkarlanean.
Orokorrean zapatutik domekara bitarteko gauetan maiztasun bi izaten ditu Gautxori izenez ezagututako zerbitzu honek, baina udalerri bakoitzaren aukeren eta lehentasunen arabera moldatuko da. Galdakoztarrak Juan Bautista Uriarte kalean utziko ditu Gautxoriak herrietako jaietatik bueltan.
Arantzazuko jaietan izan ezik, bi ordutegi izango ditu gauero: goizaldeko 02:30ean, autobus bat irtengo da jaietan dagoen herriko geltoki batetik (herrigunetik hurbilen dagoen geltokitik, hain zuzen ere), eta Arratiako beste herri guztietara, Galdakaora eta Zornotzara joango da. Gauza bera egingo du bi ordu eta erdi geroago, 05:00etan.
Hauek dira Gautxoriaren data eta ordutegi guztiak:
Igorre
Ekainak 8 (zapatua) eta 15 (zapatua)
02:30 eta 05:00
Autobus geltokian
Bedia
Ekainak 22, zapatua
02:30 eta 05:00
Autobus geltokian
Arantzazu
Ekainak 28, barikua
03:30
Autobus geltokian
Dima
Ekainak 29, zapatua
02:30 eta 05:00
Autobus geltokian
Zornotza
15 (astelehena), 20 (zapatua), 24 (eguaztena) eta 27 (zapatua)
02:30 eta 05:00
Anbulatorioko geralekuan
Lemoa
Uztailak 27, zapatua
02:30 eta 05:00
Correosen ondoan
Zeanuri
Abuztuak 10, zapatua
02:30 eta 05:00
Autobus geltokian
Areatza
Abuztuak 30, barikua
02:30 eta 04:30
Autobus geltokian
Artea
Irailak 6, barikua
02:30 eta 05:00
Autobus geltokian
Galdakao
Irailak 14 (zapatua) eta 21 (zapatua)
02:30 eta 05:00
Plazakoetxen