M28rako beharrezko sinadurak batzen hasi dira UH eta Auzoak plataformak

TESTUA: Irati Alonso García
ARGAZKIA: Jon Gomez Garai

Galdakaoko udal-hauteskundeetara aurkezteko 500 sinadura bildu behar dituzte Usansolo Herria eta Auzoak plataformek. Talde biak atzo hasi ziren bilketa egiten eta apirilaren 24ra arte dute beharrezko sinadurak batzeko epea. Hemen batu ditugu bilketen data guztiak.

Plataformek barrutiko hautesle-erroldan inskribatutakoen %1en babesa behar dute udal-hauteskundeetara aurkezteko. Binkek jaso zuen moduan, Galdakaoren kasuan 500 sinadura bildu behar dituzte.

Hau da Usansolo Herria eta Auzoak plataformek Galdakaoko udal-hauteskundeetara aurkezteko bildu behar duten sinadura kopurua eta jada hasi dira egiteko honetan. Atzo hasi ziren eta apirilaren 24ra arteko epea dute.

Usansolo Herria plataformaren kasuan, taldearen egoitzan bertan egingo dute bilketa, data eta ordutegi hauetan:

• Apirilak, 5, eguaztena: 12:00-14:00 eta 18:00-20:30.
• Apirilak 6, eguena: 12:00-14:00.
• Apirilak 7, barikua: 12:00-14:00.
• Apirilak 8, zapatua: 12:00-14:00.
• Apirilak 10, astelehena: 12:00-14:00.
• Apirilak 11, martitzena: 12:00-14:00 eta 18:00-20:30.
• Apirilak 12, eguaztena: 12:00-14:00 eta 18:00-20:30.
• Apirilak 13, eguena: 12:00-14:00 eta 18:00-20:30.
• Apirilak 14, barikua: 12:00-14:00 eta 18:00-20:30.
• Apirilak 15, zapatua: 12:00-14:00.
• Apirilak 17, astelehena: 9:00-14:00 eta 18:00-20:30.
• Apirilak 18, martitzena: 9:00-14:00 eta 18:00-20:30.
• Apirilak 19, eguaztena: 9:00-14:00 eta 18:00-20:30.
• Apirilak 20, eguena: 9:00-14:00 eta 18:00-20:30.
• Apirilak 21, barikua: 9:00-14:00 eta 18:00-20:30.
• Apirilak 22, zapatua: 12:00-14:00.
• Apirilak 24, astelehena: 9:00-14:00 eta 18:00-20:30.

Auzoak taldeak aldiz, data eta ordutegi hauetan batuko ditu sinadurak:

• Apirilak 5, eguaztena: 16:00etatik aurrera , Auzoaken lokalean.
• Apirilak 11, martitzena: 16:00 etatik aurrera, Auzoaken lokalean.
• Apirilak 17, astelehena: 16:00 etatik aurrera, BITSI auzo elkarteen lokalean, Berezikoetxe plazan.
• Apirilak 18, martitzena: 16:00 etatik aurrera, Auzoaken lokalean.
• Apirilak 20 eta 21: 10:00-13:00 eta 18:00 20:00, Bengoetxeko nagusien etxearen ondoko lokalean.