Sormenetik
BINKE / 2026ko ekaina
Oso gaztea naizenetik marrazten dut. Aita ikusten nuen etengabe marrazkiak egiten eta niretzat artista bat zen, hortik datorkit zaletasuna. Batez ere marrazkiak egiten ditut, margotu ere egiten dudan arren. Marraztea gehiago gustatzen zait, eta hobeto egiten dut. Nire kabuz asko ikasi dut, baina gaztea nintzenean Arte Aplikatuetan ikasi eta graduatu nintzen, dekorazioan. Lanbide horretan eman nuen bizitza osoa, dekorazioan. Beheko marrazkietan ikus dezakegun tintadun lumatxoa erabiltzen dut, baina edozein marrazki mota ere egiten dut: arkatza, ikatz-ziria, tintak… Hainbat gai jorratzen dut, nahiz eta Galdakaoko txoko eta ikuspegi zahar edo gaur-gaurkoen bilduma hau asko gustatzen zaidan.
