Dr. Lawson taldeak kontzertua eskainiko du barikuan Urki Kafean
TESTUA: Irati Alonso García
ARGAZKIA: Dr. Lawson taldearen sareetatik
Urki Kafeak estilo ezberdinetako kontzertuak antolatzen ditu urtean zehar eta barikuan, martxoak 29, Dr. Lawson taldearen ikuskizuna hartuko du. Saioa 21:00etan hasiko da.
Duela hogeita sei urte Galdakaon ireki zuen Urki Kafeak eta astebururo jai giroa da nagusi taberna honetan. Urteetan zehar erreferente bihurtu da gaueko giroan eta baita musikan ere, izan ere, kontzertuak eskaintzen ditu astero, barikuetan.
Donkey Riders eta Noran taldeak, Maider Legarreta eta Aitor Zorriketa, Miss Korax drag-a eta beste hainbat artistek eskaini dituzte kontzertuak Urkin.
Bariku honetan, martxoak 29, Dr. Lawson taldea izango da Urki Kafean. Indie rock estiloko bandak kontzertua eskainiko du 21:00etan.
