Gotzon Barandiaranek poema liburu berria kaleratuko du maiatzean
TESTUA: Irati Alonso García
ARGAZKIA: BINKE
Gotzon Barandiaranek poema liburu berria kaleratuko du maiatzean, Susa Literatura argitaletxeak ezagutzera eman duenez. Bildumak ‘Galbahea’ izena izango du.
Udaberriarekin batera lan berriak kaleratuko ditu Susa Literaturak. Beste hainbat obra askoren artean, lau poema liburu argitaratuko dituela ezagutzera eman du argitaletxeak azken orduetan sare sozialen bitartez.
Besteak beste, Gotzon Barandiaranen poema liburu berria kaleratuko du Susak. ‘Galbahea’ izena izango du bildumak eta maiatzean aurkezpena egitea eta online eta paperean eskuragai jartzea aurreikusi dutela azaldu dio Barandiarenek BINKEri.
Barandiaran Sormene Galdakaoko sorkuntza plazako arduradunetako bat da, eta baita herriari oso lotua dagoen artista. Halaber, BINKEren kolaboratzailea da.
