Usansoloko sarreretariko bat itxi egingo dute eguenetik barikura bitarte
TESTUA: Jon Gomez Garai
ARGAZKIA: Google Maps
Ordubetez bada ere, eguenetik barikura bitarte Usansoloko sarreretariko bat itxi egingo du Galdakaoko Udalak, saneamendu lanak egiteko. Ondoko albistean emango dizkizugu xehetasun gehiago.
Saneamendu lan batzuk egiteko, Usansoloko sarreretariko bat itxi egingo da eguenetik barikura bitarteko gauean, ordubetez soilik. Ohar hau egin du publiko Galdakaoko Udalak horren berri emateko, hitzez hitz:
«Ostegunetik ostiralerako gauean Astui bidea itxi egingo da ordubete inguruz, Gorozibai
poligonoaren parean. Errepidea 01:00etik 02:00ak bitartean egongo da itxita, egin beharreko
saneamendu lan batzuk egin ahal izateko.
Hortaz, Usansolorako sarrerak eta irteerak Laminarrietatik egin beharko dira ordu tarte
horretan; hau da, ospitalerako bidetik».
