Zabalik dago Galdakaoko IX. Duatloi Txikian izena emateko epea

TESTUA: Irati Alonso García
ARGAZKIA: Ander Lopez

Galdakao Triatloi Taldeak Duatloi Txikiaren edizio berria antolatuko du martxoaren 30ean eta honezkero zabalik dago izena emateko epea. Prezioa 5 eurokoa da eta albiste honetan batu dugu parte hartzeko jakin beharrekoa.

Aurreko urteetan izandako arrakasta errepikatzeko asmoz, Duatloi Txikiaren edizio berria antolatuko du martxoaren 30ean Galdakao Triatloi Taldeak. Iaz bezala 250 haurrek parte hartu ahal izango dute eta izena emateko epea zabalik dago hilaren 26ra arte webgune bitartez.

Bederatzigarren edizioa izango da eta 10:00etan hasiko da lasterketa. Ibilbidea Bizkai kaletik abiatuko da eta leku berean amaituko da. Jaiotza urtearen arabera ekingo diote gazteek Duatloi Txikiari eta antolatzaileek zehaztu dute adin bakoitzekoek zenbat metro korrika eta zenbat bizikletan egin beharko duten:

· 2011-2012 urteetan jaiotakoak: 10:00. 600 metro korrrika, 2.000 metro bizikletaz eta 300 metro korrika.
· 2013-2014 urteetan jaiotakoak: 10:30. 400 metro korrika, 1.000 metro bizikletaz eta 200 metro korrika.
· 2015-2016 urteetan jaiotakoak: 11:00. 250 metro korrika, 700 metro bizikletaz eta 150 metro korrika.
· 2017-2018 urteetan jaiotakoak: 11:30. 200 metro korrika, 700 metro bizikletaz eta 100 metro korrika