Mendi lasterketa
BINKE / 2022ko apirila

Zazpi Trokak traila antolatu du Ganguren Mendi Taldeak lehenengoz

TESTUA: Naia Bergaretxe Sarria
ARGAZKIA: David Marcu

Ganguren Mendi Taldea 21,5 kilometroko Zazpi Trokak mendi lasterketa berria antolatzen ari da ekainaren 26rako Galdakaon, eta izen emateko epea zabalik dago jada. Hemen batu du Binkek partu hartu nahi dutenentzako informazio guztia.

Otsailaren 15ean zabaldu zen izena emateko epea eta ekainaren 20ra arte —azken hau barne— egongo da zabalik, edukiera aurretik bete ezean. Guztira 500 parte hartzailek eman dezakete izena, eta aipatutako kupoa betetzen denean ezingo da jende gehiago apuntatu. Parte hartu gura dutenek kontutan hartu beharko dute ordainketa egin ondoren soilik dela baliagarria inskripzioa.

Ekainaren 26an 10:30ean ospatuko den lasterketa hau Ganguren Mendi Taldeko egoitzan —Gipuzkoa kalea, 11— hasi eta amaituko da. 1.056 metroko desnibela duen ibilbide hau Zamakoa kalea zeharkatu, Urretako Bizkai kale osoa igaro, eta Bengoetxetik herrigunetik irtengo da. Wikilocen ikus daiteken mendiarteko ibilbide osoa egin ondoren, Egiatik helduko dira parte-hartzaileak berriro ere Galdakaoko erdigunera.

Kategoriei dagokienez, bai emakume zein gizonak, hiru taldetan banatuko dira: Senior —18 urtetik 44 urtera bitartekoak—, Beterano 1 —45tik 54ra— eta Beterano 2 —55etik 90era—. Parte-hartzaile bakoitzaren kategoria zehazteko, lasterketa egunean bertan duen adina hartuko da kontutan.

Izen emateko dataren araberakoa izango da prezioa, baita federatuta edo ez egotearen araberakoa ere. Hauek dira Ganguren Mendi Taldeak publikatutako Zazpi Trokak trailaren prezio zehatzak:

Izen ematea
Azken eguna: ekainak 20
Sportmaniacs.com
Kontakturako helbidea: gangurenmt@gmail.com
Kontakturako zenbakia: 687578712

Araudi, antolaketa, zerbitzu, baliogabetze eta parte hartzearen inguruko informazio gehiagorako egin klik hemen.