Ane Legarreta galdakoztarrak ‘Exodus’ opera aurkeztuko du Arriaga Antzokian

TESTUA: Irati Alonso García
ARGAZKIA: Ane Legarretaren sareetatik

Ane Legarreta orkestra zuzendari galdakoztarrak ‘Exodus’ opera esperimentala estreinatuko du martxoaren 5ean Bilboko Arriaga Antzokian. Opera honek «iraganeko akatsek suntsitutako gizatasuna» aurkeztuko du.

Azken Santakurtzetan pregoilari izandako Ane Legarretak proiektu berriak estreinatzen jarraitzen du eta oraingoan ‘Exodus’ opera aurkeztuko du orkestra zuzendariak Bilboko Arriaga Antzokian. Estreinaldia martxoaren 5ean izango da eta saiorako sarrerak eskuragai daude webgune bitartez.

Opera hau esperimentala da eta «iraganeko akatsek suntsitutako gizatasuna» aurkeztuko du. «Ingurune metaliko eta oldarkor batean bizirauten duten Beheratuak deituriko pertsona gaitzetsi eta erbestaratuen talde bat du ardatz. Izaki ahaztuak dira, desohoratuak, penitentzia bete behar dutenak, beti ere lotsa aldean daramatela. Sakrifizioa eta kontrola dira bizirauteko duten salbazio bide bakarra», azaldu dute antzokitik.

Legarreta izango da zuzendaria eta harekin batera izaog del lan taldea hauxe da:

• Musika: Jon Sáenz
• Libretoa: Hegoa Álvarez Zorroza
• Musika zuzendaritza: Ane Legarreta Méndez
• Zuzendaritza eta eszenaratzea: Marta Eguilior
• Abesbatzaren zuzendaritza: Xabier Méndez Aretxabaleta
• Zuzendari laguntzailea: Jare Torralba
• Jantziak: Asier Sorondo
• Eszenografia: Asier Sorondo eta Jare Torralba
• Argiztapena: David Alcorta
• Ekoizpena: Ibone Egia Agirre
• Interpreteak: Akelarre Abesbatza, Lander Otaola eta Ensemble Sua