ARGAZKIAK | Hiru familia berri gehitu ziren otsaileko Gurasolagun ekimenera
TESTUA: Irati Alonso García
ARGAZKIAK: Hego Uribeko Berbalagunak
Euskara ezberdinen arteko familia giroan eta aisialdiarekin lotuta bultzatzeko asmoa duen Gurasolagun ekimenak urteko bigarren saioa egin zuen otsailaren 14an. Hiru familia berri gehitu ziren hitzordura eta hemen batu ditugu ekimenetik argitaratutako argazkiak!
Pasa den barikuan, otsailak 14, urteko bigarren saioa egin zuen euskara ezberdinen arteko familia giroan eta aisialdiarekin lotuta bultzatzeko asmoa duen Gurasolagun ekimenak. Saiora bederatzi familia animatu ziren, eta horietako hiruk lehen eguna izan zuten proiektuan, Berbalagun ekimenaren sareetatik adierazi zuten bezala.
Parte-hartzaileek hariz osatutako loreontziak egiten eman zuten arratsaldea Barandiaran AEKren egoitzan, Danel beteranoak aukeratuta, eta gazteak eman zituen azalpenak eta laguntza. Kartoizko edalontziak hamaika zatitan moztu eta hari ebakitako zatien aurretik eta atzetik pasatzen aritu ziren, guztiz estalia izan zen arte. Lan hori amaitu eta gero, txikiek eva gomaz eman zieten forma arrosa, bitxilore eta tulipan banari, eta gurasoek silikonaz itsatsi zituzten.
«San Valentin dela eta, jende askok dendan erosiko zituen loreak ostiralean; gure txikiek eskuz egindakoak dituzte nahiago», azaldu zuten Berbalagunek, hurrengo saioa martxoaren 14an izango dela iragarriz.
Hemen saioko hainbat argazki, Hego Uribeko Berbalagunek sareetan argitaratutakoak:
