Asier Urrutikoetxea galdakoztarrak karta-joko bi sortu ditu, Euskal Herriko ibai eta mendiekin

TESTUA: Irati Alonso García
ARGAZKIA: Asier Urrutikoetxeak bidalitakoa

Euskal Herriko ibaiez eta mendiez osatutako karta-joko bi sortu ditu Asier Urrutikoetxea galdakoztarrak. Familian zein lagunartean jolasteko asmoarekin diseinatu ditu eta bi eta zortzi pertsona bitartean jokatu daiteke.

Euskal Herriko ingurumenari buruzko informazioa ezagutu eta ikasteko asmoz, Euskal Herriko ibaiez eta mendiez osatutako karta-joko bi sortu ditu Asier Urrutikoetxea galdakoztarrak. Familian zein lagunartean jolasteko asmoarekin diseinatuak izan dira eta bi eta zortzi pertsona bitartean jokatu daiteke.

Karta-joko bakoitzak 40 kartaz osatua dago bost azpitalde nagusitan (Araba, Bizkaia, Gipuzkoa, Iparralde eta Nafarroa), eta lurralde bakoitzetik zortzi ibai eta mendi garrantzitsu agertzen dira. Iparraldea Euskal Herriko hiru probintzik osatzen dute: Lapurdi, Baxenafarroa eta Zuberoa.

Jokoak, batez ere, «Euskal Herriko eskola eta ikastoletan seme-alabek lurraldea bere osotasunean ikusi eta berau barnera izan ahal dezaten» prestatuta daude. «Euskadiko edo Euskal autonomi erkidegoko mendirik altuena Aitxuri, Aketegi edo Aizkorri direla, nik ordea, ezagutzera eman nahi dut Euskal Herriko mendirik altuena Hiru erregeen maila dela, Euskararen Herria bere osotasunean harturik», azaldu du Urrutikoetxeak.

Jokoa garatu ahal izateko, diru bilketa jarri du martxan Urrutikoetxeak webgune bitartez.