Calathea talde galdakoztarrak Dimetal jaialdian kontzertua eskainiko du
TESTUA: Irati Alonso García
ARGAZKIA: Calathea taldea
Irailaren 29 eta 30ean erreferente bihurtu den Dimetal jaialdiaren zazpigarren edizioa antolatuko da Diman. Hitzorduan hamaika talde arituko dira, haien artean Calathea galdakoztarrak.
Calathea talde galdakoztarraren ibilbide musikala asko hazi da azken hilabeteetan. Vigoko Resurrection Fest jaialdian jotzeko bozketaren barruan izan ziren eta aurtengo Villa Sound jaialdiko babesleen saria jaso dute, Binkek jasotako moduan.
Irailean berriz igoko dira oholtza gainera, kasu honetan Diman. Irailaren 29 eta 30ean Dimetal jaialdia antolatuko dute eta han izango da Calathea talde galdakoztarra.
Beste hamar ere joko dute ere Diman: Cobra, PI L.T., Asgarth, Kristonak, Numen, Bullets of Misery, We Exist Even Dead, Rodeo, Alma Culter eta Penny Fleck.
