EGITARAUA | Artetako jaiak ospatuko dituzte zapatuan

TESTUA: Irati Alonso García
ARGAZKIA: Galdakaoko Udala

Artetako jaiak ospatuko dira zapatuan, uztailak 13, eta urtero moduan egitarau zabala antolatuko dute. Besteak beste, dantza emanaldia, txapelketak eta kontzertua izango dira auzoan. Albiste honetan batu dugu egitarau osoa.

Jai giroa bueltatuko da zapatuan, uztailak 11, Usansoloko Arteta auzora. Ume eta nagusiek auzoko jaiak ospatuko dituzte egun horretan eta horretarako egitarau zabala antolatu dute, urtero egiten duten bezala.

Jaia 11:00etan hasiko da paella txapelketarekin eta jarraian dantza emanaldia izango da, Oinarin Dantza Taldearen eskutik. Arratsaldean aldiz txapelketak eta kontzertua izango dira.

Hemen batu dugu Artetako jaien egitarau osoa:

11:00 Paella txapelketaren hasiera
12:00 Oinarin Dantza Taldearen dantza emanaldia
12:30 Txistorrada
13:00 Herri kirolak
14:30 Paella aurkeztu eta sari banaketa
16:00 Umeentzako puzgarriak eta jolasak
17:00 Igel txapelketa
17:30 Mus eta briska txapelketa
18:30 Tiragomas txapelketa
19:30 Txapelketan sari banaketak
20:30 Gauargi taldearen kontzertua