Atxiloketa
BINKE / 2022ko urtarrila

Emakume bat atxilotu dute Galdakaon, ustez etxebizitza batean lapurreta egiten saiatzeagatik

TESTUA: Jon Gomez Garai
ARGAZKIA: Galdakaoko Udaltzaingoa

Urretako terraza batetik jauzi egin eta komuneko leihoa hautsita lapurretan sartzeagatik 32 urteko emakume bat atxilotu zuten barikuan Udaltzaingoak eta Ertzaintzak. Ustezko lapurra lau urteko haur batekin zioan atxilotu zuten unean.

Barikuan, 21:30 aldera, Urreta auzo galdakoztarreko bizilagun batek polizia deitu zuen, emakume batek «terrazatik jauzi eginda eta komuneko lehioaren kristala hautsita lapurretan sartu zitzaiola salatuz». Hala iragarri zuen atzo, urtarrilak 22, Ertzaintzak.

Biktimak Udaltzaingoari emandako deskribapenen arabera, herriko poliziak ustezko lapurra atxilotzea lortu zuen. Atxiloketaren leku horretara Ertzaintzako dotazio batzuk ere agertu zirela baieztatu du Ertzaintzak berak, eta «bizilagunek jakitera eman zieten inguruko garaje batzuetan ere lapurreta egin zuela», dio euskal poliziak.

Atxilotutakoa 32 urteko emakume bat da, delitu-aurrekariak ditu Ertzaintzaren arabera, eta atxiloketaren unean lapurtutako auto batean lau urteko haur batekin zioan. Atzo Bilboko Guardiako Epaitegiaren esku geratu zen ustezko lapurra, eta Bizkaiko Foru Aldundiaren gizarte-zerbitzuek hartu zuten adingabearen ardura.