Ibilaldian laguntzeko boluntario bila dabiltza
TESTUA: Irati Alonso García
ARGAZKIA: Ander Elordui
Eguzkibegi Ikastolak antolatuko du Ibilaldia maiatzaren 25ean eta ekimenean laguntzeko boluntario bila dabiltza. Boluntario izateko izena eman behar da eta hemen batu dugu horretarako jakin beharrekoa.
Bigarrenez hartuko du Ibilaldia jaia Galdakaok. Lehenengo edizioa 2009ko maiatzaren 31n antolatu zuen Eguzkibegi Ikastolak, eta bigarrena aurtengo maiatzaren 25ean egingo du.
Egitarau zabala prestatuko du egun horretarako eta hau aurrera eramateko boluntario bila dabil Ibilaldiako antolakuntza. «Denon ekarpena ezinbestekoa izango da 2025eko Ibilaldi eguna antolatzeko», adierazi dute.
Boluntario izateko izena eman behar da pertsonalgoa@ibilaldia.ikastola.eus helbidera idatziz eta webgunean ezagutu daitezke txanda eta gune ezberdinak.
