Jone Fuente galdakoztarra, txapeldunorde Euskadiko kross txapelketan
TESTUA: Jon Gomez Garai
ARGAZKIA: Fotorunners.es
Lasarten antolatutako Euskadiko Kross txapelketan kategoria absolutuan Euskadiko txapeldunorde izateaz gain, 23 urte azpiko kategorian txapeldun ere izan da Jone Fuente atleta galdakoztarra. Zorionak!
Azaroaren 6an jokatu zen Euskadiko Kross Txapelketa Lasarteko hipodromoan, Cross Internacional de San Sebastián-Lasartek antolatuta. Bertan hartu zuen parte Jone Fuente galdakoztar atletak, eta hainbat sari irabazi zuen txapelketan, kategoria absolutuan txapeldunorde izatea tarteko.
Jone Fuente atleta galdakoztarrak ez zuen soilik absolutuetan txapeldunorde titulua irabazi aurtengo Euskadiko Kross Txapelketan, txapeldun izan baitzen Sub-23 kategorian eta lehena baita taldeka hartuta, Durangoko Bidezabal taldearekin.
Fuentek eskerrak eman dizkie sareen bidez babesten dituen profesionalei, «eta noski, inguratzen nauen jende berezi guztiari, horrelako momentuak are bereziago bilakatzen duten guztiei».
