Pederasta bat Usansolotik dabilela salatu du talde feministak
TESTUA: Irati Alonso García
ARGAZKIA: BINKE
Atzo Emakumeen Parkearen inguruan «gizon bat masturbatzen ikusi zutela» salatu du Usansoloko Talde Feministak. Ertzaintzari abisua eman zioten baina oraindik ez dute harrapatu.
Usansoloko Talde Feministak pederasta bat herritik dabilela salatu du. Taldeak sare sozialen bitartez adierazi duenez, atzo, otsailak 20, «Emakumeen Parkearen inguruan gizon bat masturbatzen ikusi zuten».
Ertzaintzari abisua eman zioten momentuan baina ezin izan zuten harrapatu. «25 urteko gizon gaztea dela deskribatzen dute, azal eta ile iluna, altua eta txandal beltz batekin jantzia», azaldu du taldeak.
«Gizon hau ikusten baduzue, autoritaeei jakinarazi ahalik eta azkarren. Gure haurren segurtasuna garrantzitsua da», nabarmendu dute.
